ՌԴ ՆԳՆ-ն հետախուզում է հայտարարել «Ի՞նչ, որտե՞ղ, ե՞րբ» հեռուստախաղի ադրբեջանցի մասնակից Ռովշան Ասկերովի նկատմամբ

803

Չորեքշաբթի, 11 մայիսի, 2022 թ., 12:42

«Ի՞նչ, որտե՞ղ, ե՞րբ» հեռուստախաղի մասնակից Ռովշան Ասկերովը հետախուզման մեջ է հայտնվել ՆԳՆ-ի կողմից, ասվում է գերատեսչության տվյալների բազայից։ Նա այժմ գտնվում է Ռուսաստանից դուրս։

Ապրիլի վերջին Ռուսաստանի Դաշնության Քննչական կոմիտեն նրա դեմ քրեական գործ է հարուցել նացիզմի ռեաբիլիտացիայի փաստով։ Ըստ քննիչների՝ նա վիրավորել է մարշալ Ժուկովին։

Գերատեսչությունը նշում է, որ 2022 թվականի ապրիլին Ասկերովը սոցցանցում հրապարակել է «դիտավորյալ կեղծ տեղեկատվություն, որը վիրավորում և վարկաբեկում է ռուս մեծ հրամանատար և հայրենիքի պաշտպան, Խորհրդային Միության մարշալ Գեորգի Կոնստանտինովիչ Ժուկովի հիշատակը»։