«Զեթ» տառով ռուսական արբանյակը Երկրի մթնոլորտում այրվել է

Ռուսական Cosmos 5555 լրտեսական արբանյակը ուղեծրից դուրս է եկել և այրվել Երկրի մթնոլորտում։ Այս մասին են վկայում Հյուսիսային Ամերիկայի օդատիեզերական պաշտպանության հրամանատարության տվյալները։

Արբանյակն արձակվել է ապրիլի 29-ին Պլեսեցկի տիեզերակայանից։ Այն ուղեծիր է արձակվել հրթիռով, որի իրանին պատկերված է եղել Z տառը, ՌԴ ՊՆ-ն հայտնել է, որ արբանյակը արձակվել է ուղեծիր, սակայն դիտորդները նշել են, որ այն ազդանշաններ չի տալիս և չի պահվում ուղեծրում։

Արբանյակը պետք է ուղեծրային մանևրներ կատարեր, սակայն, ինչպես հաղորդվում է, մայիսի 18-ին նա «հետ է թռել»։