Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Կյանքի է կոչվում այն, ինչը վաղուց շատերը զգուշացրել են». Արսեն Ջուլֆալակյան

«Կյանքի է կոչվում այն, ինչը վաղուց շատերը զգուշացրել են». Արսեն Ջուլֆալակյան
562
Երկուշաբթի, 23 մայիսի, 2022 թ., 14:12

Նախկին պատգամավոր Արսեն Ջուլֆալակյանը ֆեյսբուքյան իր էջում գրել է. «Հուսամ՝ ժողովրդի մեծ մասը կարդացել է (իրականում կասկածում եմ) և հասկացել, թե ինչ է նշանակում բրյուսելյան եռակողմ հանդիպումից հետո տարածված հայտարարությունը (կյանքի է կոչվում այն, ինչը վաղուց շատերը զգուշացրել են...):

Առավել տարօրինակ է հատկապես հանրության այն հատվածի պահվածքը, որը և՛ կարդացել է, և՛ ընդունում է աղետի մասշտաբը, բայց ոչինչ չի անում, քանի որ չի սիրում նախկիններին:

Ճակատագրի հեգնանքով էլ, Հայաստանում եղած քաղաքական ուժերից, միայն նախկիններն են պայքարում այս ազգակործան ուժի դեմ: Մյուսները (ի դեպ, նոր բան չկա, բոլորն էլ նախկին են) շատ հարմար տեղավորվել են, զբաղված են իշխանությունների հետ հանդիպել/նկարվելով, պաշտոններ ստանալով և տարբեր եթերներով հակապետական վերլուծություններ անելով:

Հ. Գ. Որպես օրինակ՝ «վերլուծական գոհարներից» մեկը. «Բանակցողի փոփոխությունից էական փոփոխություն տեղի չի ունենա: Օրինակ՝ 2018-ին Սերժ Սարգսյանի փոփոխությունը գործող (ազգակործան) վարչապետով էական ոչ մի փոփոխություն չբերեց, եթե հաշվի չառնենք պատերազմն ու դրա հետևանքները»:

Այս որակի նոր «պայքարողներ» ունենք»:

Աղբյուրը`   Արսեն Ջուլֆալակյանը