Kalush Orchestra-ն խոշոր գումարով վաճառել է «Եվրոտեսիլ 2022»-ի գավաթը՝ Ուկրաինային օգնելու համար

Մայիսի 25-ին Kalush Orchestra-ի մենակատար Օլեգ Փսյուկը հայտարարեց Եվրոտեսիլի գավաթի աճուրդի մեկնարկի մասին։ Աճուրդի է դրվել նաև լեգենդար վարդագույն պանամա գլխարկը: Սերգեյ Պրիտուլան, ով ունի իր սեփական բարեգործական հիմնադրամը, թիմին օգնել է խորհրդանշական իրեր վաճառել։

Իսկ այսօր հայտնի է դարձել, թե ով է կատարել ամենամեծ նվիրատվությունն ու դարձել գավաթի տերը։ Այն բաժին է հասել ուկրաինական կրիպտոարժույթների բորսա WhiteBIT-ին, որը գավաթի համար վճարել է 900 հազար դոլար: Այս մասին հայտնում է «Եվրոտեսիլ Ուկրաինա» Telegram ալիքը։

Ինչ վերաբերում է պանամա գլխարկին, հիշեցնենք, որ ըստ պայմանների, յուրաքանչյուրը կարող էր նվիրատվություն կատարել 200 գրիվնայի չափով։ Որքան ավելի շատ ավանդներ է ներդրել մարդը, այնքան ավելի շատ են շահելու հնարավորությունները:
Ընդհանուր առմամբ, աշխարհի 56 երկրներից 31 հազար մարդ իր գումարն ուղարկել է պանամայի համար։ Նվիրատվության ընդհանուր գումարը կազմել է 11 միլիոն գրիվնա: Արդյունքում հաղթող է ճանաչվել Չեխիայում բնակվող ուկրաինացի Վլադիմիրը՝ նա հինգ նվիրատվություն է կատարել՝ 200-ական գրիվնա, այսինքն՝ ուղարկել է 1000 գրիվնա։

Հավաքագրված ողջ գումարը կուղղվի ուկրաինական բանակին օգնելու համար։