Անմխիթար վիճակում գտնվող Հակոբավանքում պատարագ է մատուցվել

Արցախի կառավարությունն անհրաժեշտ ջանքեր կգործադրի Մարտակերտի Սուրբ Հակոբավանքը վերականգնելու համար։
Արցախի Հանրապետության նախագահ Արայիկ Հարությունյանն այսօր մասնակցել է Հակոբավանքի վանական համալիրում մատուցված Սուրբ պատարագին։
«Արցախի թեմի առաջնորդ Տեր Վրթանես եպիսկոպոս Աբրահամյանի և վանահայր Տեր Հովհաննես քահանա Հովհաննիսյանի հետ քննարկել ենք նաև հոգևոր կենտրոնի վերականգնման ծրագրի անհրաժեշտությունը»,- գրել է Արայիկ Հարությունյանը։
Արցախի նախագահը հավաստիացրել է, որ կառավարությունն այդ առումով կգործադրի անհրաժեշտ ջանքեր։