Կիրակի, 14 հունիսի, 2026 թ.
|
Ստեփանակերտում`   +17 °C

Ուկրաինայի կառավարությունը հացահատիկի արտահանման ուղիներ է մշակել

Ուկրաինայի կառավարությունը հացահատիկի արտահանման ուղիներ է մշակել
1851
Կիրակի, 12 հունիսի, 2022 թ., 19:00

Ուկրաինայի փոխարտգործնախարար Դմիտրի Սենիկը հայտարարել է, որ Կիևը մշակել է երկու երթուղի Լեհաստանի և Ռումինիայի տարածքով՝ հացահատիկ արտահանելու և պարենային գլոբալ ճգնաժամը կանխելու համար։ Այս մասին հայտնում է Reuters-ը։

«Գլոբալ պարենային անվտանգությունը վտանգի տակ է, քանի որ Ռուսաստանի Դաշնության ներխուժումն Ուկրաինա դադարեցրել է հացահատիկի արտահանումը Սև ծովից, ինչը հանգեցրել է համատարած դեֆիցիտի և գների աճի», - ասել է նա:

Ավելի վաղ Ուկրաինայի նախագահ Վլադիմիր Զելենսկին նախազգուշացրել էր Ասիայում և Աֆրիկայում հնարավոր սովի մասին՝ ուկրաինական հացահատիկի մատակարարումների դադարեցման պատճառով։ Ըստ նրա՝ դա կբերի քաղաքական անկայունության, հեղաշրջումների շարքի և քաղաքական գործիչների տապալման։

Մինչ այդ, Թուրքիայում Ուկրաինայի դեսպան Վասիլի Բոդնարն ասել էր, որ Ուկրաինան կհամաձայնի վերսկսել գյուղմթերքի ծովային փոխադրումները, եթե նոր զինատեսակներ տեղափոխվեն Կիև։