«Եղվարդի խաչքարային մշակույթը ամենահետաքրքիրներից է». Սևակ Արևշատյան

396

Հինգշաբթի, 16 հունիսի, 2022 թ., 01:06

Խաչքարերի ուսումնասիրությամբ զբաղվող Սևակ Արևշատյանը ֆեյսբուքյան իր էջում գրել է. «Եղվարդի խաչքարային մշակույթը ամենահետաքրքիրներից է։ Շեշտակի տեղայնացված է ժամանակի մեջ։ Միանգամից բուռն սկիզբ 12-րդ դարի երկրորդ կեսին ու աչք շոյող վերելք։ Թերևս հենց էստեղ են կերտել 12-րդ դարի երկորդ կեսի լավագույն խաչքարերը՝ Վարդի գլխավորությամբ։ Հետո միանգամից անկում․ մի քանի օրինակով միայն 13-րդ դարի սկզբին համալրեցին միջավայրը ու կարծես խռովեցին խաչքարերից։ Նաև՝ ահավոր չեն սիրել խաչքարի վրա արձանագրություն թողնել։ Մի քանի տասնյակ հասնող խաչքարերից միայն մի քանիսի վրա կան արձանագրություններ։ Թվակիր է ընդամենը մեկ խաչքար /Վարդի կերտած, էն էլ տապանաքարի վրա/։
Նույնիսկ Եղվարդի Ս․ Աստվածածինը չկարողացավ խաչքարաստեղծման շունչ տալ։
16-րդ դդ ․ որոշ աշխուժություն նկատվեց, Քիրամին կանչեցին, բայց դե 12-րդ դարի երկրորդ կեսի բռնկումը մնաց անգերազանցելի»:

Աղբյուրը` Սևակ Արևշատյան