«Այն որակների կրողն էր, որի դեֆեցիտը մենք այսօր ունենք»․ ԿԳՄՍ նախարար

«Ակնհայտ է, որ կորուստը շատ մեծ է։ Ռաֆայել Քոթանջյանը այն տեսակն էր, մշակութային այն գործիչն էր, այն որակների կրողը, որի դեֆեցիտը մենք այսօր ունենք։ Անկրկնելի սեփական ձեռագիրը ունեցող արտիստ, բազում անջնջելի հիշողություններ՝ Քոթանջյանի արվեստի, իր դերերի․․․ ընդհանրապես, ոչ միայն արտիստ, այլ որպես քաղաքացի»,- Կոնդի եկեղեցու բակում՝ խոսելով ՀՀ ժողովրդական արտիստ Ռաֆայել Քոթանջյանի մասին, կարծիք հայտնեց ԿԳՄՍ նախարար Վահրամ Դումանյանը։

Հիշեցնենք՝ Սուրբ Հովհաննես Կարապետ եկեղեցում,տեղի է ունենում դերասան Ռաֆայել Քոթանջյանի հոգեհանգիստը։