Ջենիֆեր Լոպեսը, հնարավոր է, ժամանի Հայաստան. «Հրապարակ»

«Հրապարակ»-ը գրում է. ««Հայա» փառատոնի շրջանակներում մոտ օրերս Հայաստան կժամանեն և մենահամերգով հանդես կգան աշխարհահռչակ աստղեր։ Հունիսի 25-ին Երևանում համերգ կտա աշխարհահռչակ ֆրանսիացի երգչուհի Զազը, հուլիսի 1-ին նախատեսված է ռեպեր 50Cent-ի համերգը։ «Հայա» փառատոնի, ինչպես նաև «Երևանյան հեռանկարներ» նախագծի հիմնադիր Սոնա Հովհաննիսյանը մեզ հետ զրույցում ասաց, որ սա դեռ ամենը չէ, այժմ բանակցում են այլ համաշխարհային աստղերի հետ ևս, որ նրանց էլ «բերեն» Հայաստան։ Օրինակ՝ Ջենիֆեր Լոպեսի, Էնրիկե Իգլեսիասի, ապագայում՝ նաև Շակիրայի հետ։ Այս պահին բանակցում են Լոպեսի և Իգլեսիասի հետ, աշնանը նրանց ևս կհյուրընկալեն Երևանում:

«Բայց հիմա մտածում եմ, որ ավելի լավ է՝ իրենցից մեկը հիմա գա, մյուսը մնա եկող տարի։ Լոպեսի մասով բանակցում ենք հոկտեմբերի առաջին շաբաթվա համար»,- ասաց նա՝ նշելով, որ երկուսի հետ էլ արդեն պայմանագրային փուլի են հասել և ամեն օր սպասում են դրական պատասխանի»:

Մանրամասները՝ թերթի համարում: