«Խորհրդարանի վերջին օրը նա «ավետիս» ուներ հայ ժողովրդին». Լիլիթ Գալստյան

ԱԺ «Հայաստան» խմբակցության պատգամավոր Լիլիթ Գալստյանի գրառումը. «ԻՆՉԻ ՄԱՍԻՆ ԲԱՐՁՐԱՁԱՅՆԵՑ ն-ը

Շատ պարզ բառերով ծանր, շատ ծանր ու կործանարար բաների մասին ասեմ․․.

Հիշո՞ւմ եք՝ ձեզ համոզում էին, թե Արցախը տանք, հանգիստ կապրեք։ Նյութապաշտ ու անհայրենիք ստահակների մի ոհմակ այս թեզն ապացուցելու համար անգամ կասկածի տակ դրեց Արցախի հայկականությունը։

Մենք գոռում-գոչում էինք՝ Արցախը տալով բացում ենք մեր թիկունքը, տալիս ենք մեր անվտանգությունը, Արցախը մեր վահանն է, Արցախի անկումով բացում ենք թուրքի ճանապարհը դեպի Երևան․․․։

Այս պարզ միտքն ասում էինք ու ասում ենք շարունակ, տարբեր ձևակերպումներով ու բառերով։

Մենք՝ Արցախ-Հայաստան, դրանք՝ լափաման ու նախկին։
Թե բա՝ խաղաղություն։ Խորհրդարանի վերջին օրը նա «ավետիս» ուներ հայ ժողովրդին, շատ հստակ ասելիք՝ Արցախը տվեցի, բայց սա դեռ վերջը չէ, ոչ մի երաշխիք, որ պատերազմ չի լինի։

Սրանք պատահական բառեր չեն․․․

Այս բառերի, իրականում՝ շարունակվող դավաճանության և պետության կործանումի հետևում, պատսպարվել է ու արդարանում է ձեր տված ձայնով։ Իրականում ձեզ, ինչպես միշտ, ստել է։

Իրենց նախընտրական ծրագրում խոստացել էին «Անջատում հանուն փրկության»։

Եվ, ինչպես միշտ՝ էլի նախկիններն են մեղավոր․․․ Սողացող դավաճանություն․․․»: