Կիրակի, 03 հուլիսի, 2022 թ.
|
Ստեփանակերտում`   +18 °C

Մահացել է Բախտիար Հովակիմյանը

Մահացել է Բախտիար Հովակիմյանը
205
Շաբաթ, 18 հունիսի, 2022 թ., 11:00

ՀՀ կրթության, գիտության, մշակույթի և սպորտի նախարարությունը տեղեկացնում է, որ հունիսի 16-ին 96 տարեկանում կյանքից հեռացել է թատերագետ, բանասեր և մատենագետ Բախտիար Մարդանի Հովակիմյանը։

Բախտիար Հովակիմյանը ծնվել է 1926թ․ մայիսի 1-ին Տավուշում։ 1947թ․ ավարտել է Լ․ Երամյանի անվան Բաքվի հայկական թատրոնի դրամատիկական ստուդիան, իսկ 1952թ․՝ Երևանի թատերական ինստիտուտը։
1953-1958 թվականներին աշխատել է Բաքվի «Կոմունիստ» (հայերեն) թերթի խմբագրությունում։ 1958-2008 թվականներին՝ ԳԱԹ-ի թատերական բաժնում, որը գլխավորել է 1963 թվականից։
Նրա վաստակը նշանակալի է արխիվային գործի, հայ թատրոնի փաստագրման ոլորտներում: Ուշագրավ են Պ. Ադամյանին, Սիրանույշին, Հովհ. Աբելյանին և հայ բեմի այլ երախտավորներին նվիրված նրա հոդվածներն ու աշխատությունները: Անգերազանցելի է նրա աշխատասիրությամբ կազմված «Հայոց ծածկանունների բառարան»-ը:

Աղբյուրը`   ԿԳՄՍՆ