«Քննչական մարմինը հայտարարել է Արմեն Գրիգորյանի դեմ քրգործով նախաքննության ավարտ». պաշտպաններ

738

Շաբաթ, 18 հունիսի, 2022 թ., 11:12

Պաշտպաններ Ռուբեն Մելիքյանը և Արմեն Մաշինյանը հայտարարություն են տարածել. «Տեղեկացնում ենք, որ քննչական մարմինը հայտարարել է պրոդյուսեր Արմեն Գրիգորյանի դեմ քրեական գործով նախաքննության ավարտ, իսկ գործի նյութերը ծանոթացման համար տրամադրվել են պաշտպանության կողմին։

Դատալսումները հավանաբար կսկսեն հուլիսին։

Հիշեցնում ենք՝ Արմեն Գրիգորյանի նկատմամբ քրեական հետապնդման կապակցությամբ մեր հիմնական պնդումները. (1) Գրիգորյանին վերագրվող արարքը Քրեական օրենսգրքով որպես հանցանք նախատեսված չէ, (2) Գրիգորյանի նկատմամբ քրեական հետապնդումը և նրա կալանավորումը կրում են քաղաքական ու խտրական բնույթ»:

Աղբյուրը` Ռուբեն Մելիքյան