Ռուսաստանը կսկսի արտադրել տեղական պրոցեսորներով բանկոմատներ

Ռուսական BFS ընկերությունը հաջորդ տարվա առաջին եռամսյակում կսկսի տեղական Elbrus պրոցեսորների հիման վրա բանկոմատների զանգվածային արտադրություն։ Այս մասին ասել է ընկերության գործադիր տնօրեն և համասեփականատեր Արտեմ Ժիլոնովը։

«Սարքերի առաջին մատակարարումները նախատեսված են փետրվար-մարտ ամիսներին»,- ասել է Ժիլոնովը։

Նա ասաց, որ բանկոմատները կհամալրվեն ռուսական Elbrus պրոցեսորով և տեղական ծրագրային ապահովմամբ՝ արձագանքելով շուկայի պահանջներին և չզիջելով արտասահմանյան գործընկերներին։