Կիրակի, 03 հուլիսի, 2022 թ.
|
Ստեփանակերտում`   +17 °C

«Մխիթար Գոշ» համալսարանը կեղծ տվյալներ է ներկայացրել օտարերկրացի ուսանողների վարձավճարի վերաբերյալ․ ԱԱԾ

«Մխիթար Գոշ» համալսարանը կեղծ տվյալներ է ներկայացրել օտարերկրացի ուսանողների վարձավճարի վերաբերյալ․ ԱԱԾ
134
Երկուշաբթի, 20 հունիսի, 2022 թ., 14:18

ՀՀ ազգային անվտանգության ծառայության Երևանի քաղաքային վարչության աշխատակիցների կողմից իրականացված օպերատիվ-հետախուզական միջոցառումների և քրեադատավարական գործողությունների արդյունքում պարզվել է, որ ««Մխիթար Գոշ» հայ-ռուսական միջազգային համալսարան» համալսարանի իրավասու անձինք օրենքով սահմանված հաշվետվություններում և հարկման համար հիմք հանդիսացող այլ հաշվարկային փաստաթղթերում ակնհայտ կեղծ տվյալներ են մտցրել նշված ԲՈՒՀ-ում սովորող օտարերկրացի ուսանողների տարեկան վարձավճարի չափի վերաբերյալ, ինչի արդյունքում 2018-2021թթ. ընթացքում խուսափել են շահութահարկի գծով առանձնապես խոշոր չափերով՝ շուրջ 99,453,992 ՀՀ դրամի չափով հարկային պարտավորությունները կատարելուց:

Փաստի առթիվ ՀՀ ԱԱԾ քննչական դեպարտամենտում ՀՀ քրեական օրենսգրքի 205-րդ հոդվածի 2-րդ մասով հարուցվել է քրեական գործ, որը նախաքննություն կատարելու համար ուղարկվել է ըստ քննչական ենթակայության։