ZAZ-ի առաջին մենահամերգը Հայաստանում

350

Հինգշաբթի, 23 հունիսի, 2022 թ., 00:00

«ՀԱՅԱ» փառատոնի շրջանակում հունիսի 25-ին Երևանի Հրազդան մարզադաշտում տեղի կունենա ֆրանսիացի հայտնի և սիրված փոփ երգչուհի ZAZ-ի առաջին մենահամերգը Հայաստանում։

Համերգային երեկոյի բացումը կանեն «Եվրատեսիլ 2022»-ում Հայաստանը ներկայացնող Ռոզա Լինը և երիտասարդ հայ երաժիշտ Պարգը։

Համերգի հրավիրյալ կատարողն է հայ դուդուկահար Կամո Սեյրանյանը, ով հայկական դուդուկի հնչողությունը կփոխանցի հանդիսատեսին՝ ZAZ-ի հետ համատեղ կատարմամբ:

Փառատոնի անվանի հյուրն է աշխարհահռչակ ռեփ երաժիշտ 50 Cent-ը, ում համերգը G-Unit բենդի հետ տեղի կունենա հուլիսի 1-ին:

Led Zeppelin Symphonic բացառիկ նախագիծը տեղի կունենա հուլիսի 9-ին: Լեգենդար խմբի երաժշտությունը կատարում են երեք ֆենոմենալ երգիչներ London West End-ից՝ բրիտանական լավագույն ռոք խմբի և սիմֆոնիկ նվագախմբի ուղեկցությամբ: Ընդհանուր ներկայացված է 25 երգ, որոնց թվում են ամենահայտնի հիթերը՝ Whole Lotta Love, Black Dog, Kashmir, Rock & Roll, Dazed & Confused, Stairway to Heaven: