Չորեքշաբթի, 17 օգոստոսի, 2022 թ.
|
Ստեփանակերտում`   +32 °C

ՌԴ Պետդուման ճանաչում է Հայաստանում տրված վարորդական իրավունքը

ՌԴ Պետդուման ճանաչում է Հայաստանում տրված վարորդական իրավունքը
1216
Չորեքշաբթի, 29 հունիսի, 2022 թ., 19:00

Պետդուման առաջին ընթերցմամբ ընդունել է օրինագիծ՝ Ռուսաստանում հայկական վարորդական վկայականների ճանաչման մասին՝ առևտրային տրանսպորտի, մասնավորապես՝ տաքսիների ոլորտում աշխատող անձանց համար, հաղորդում է REGNUM-ը։

«Այսպիսով, ԵԱՏՄ անդամ երկրների քաղաքացիների իրավունքները կհավասարեցվեն»,- ասել է ՆԳ փոխնախարար Իգոր Զուբովը։

Փոփոխությունները նախատեսում են Ռուսաստանի Դաշնության տարածքում տրանսպորտային միջոցներ վարելու հետ կապված ձեռնարկատիրական և աշխատանքային գործունեության իրականացման ընթացքում Հայաստանի Հանրապետության քաղաքացիների ազգային վարորդական վկայականների ճանաչում:

Միևնույն ժամանակ, ավելի վաղ Պետդումայում առաջարկ էր արվել վերանայել որոշումը, որով Ղրղզստանի քաղաքացիներին թույլատրվում է մեկնել Ռուսաստանի Դաշնություն իրենց ազգային վարորդական իրավունքներով՝ ի պատասխան Կիրգիզիայի նախագահի այն որոշման, որով տոնական օրերի ցանկում էր ներառվում Ռուսական կայսրության դեմ ապստամբության օրը: