«Ոսկե ծիրան» կինոփառատոնի պատվավոր հյուրն է համաշխարհային կինոյի կենդանի դասական Կոստա-Գավրասը
![]() 199 Ուրբաթ, 01 հուլիսի, 2022 թ., 01:06 Երևանի «Ոսկե ծիրան» 19-րդ միջազգային կինոփառատոնի պատվավոր հյուրն է Կաննի և Բեռլինի փառատոնների գլխավոր մրցանակակիր, օսկարակիր ռեժիսոր և սցենարիստ, համաշխարհային կինոյի կենդանի դասական Կոստա-Գավրասը։ Կոստա-Գավրասի օսկարակիր «Z»-ը Օսկարի պատմության առաջին ֆիլմն է, որն առաջադրվել է թե՛ «Lավագույն ֆիլմ», և թե՛ «Լավագույն արտասահմանյան ֆիլմ» անվանակարգերում: 1982 թվականին «Անհետ կորած» ֆիլմի համար Կոստա-Գավրասն արժանացել է Կաննի կինոփառատոնի «Ոսկե արմավենու ճյուղ» և «Օսկար» մրցանակի՝ լավագույն էկրանավորման սցենարի համար, իսկ «Երաժշտական արկղիկ» (1989թ.) Բեռլինի 40-րդ միջազգային կինոփառատոնում արժանացել է «Ոսկե արջ» մրցանակին: Նա եղել է ֆրանսիական կինոյի նահապետ Ռենե Կլերի օգնականը և իր հերթին ազդեցություն է ունեցել այնպիսի ռեժիսորների վրա, ինչպիսիք են Օլիվեր Սթոունը և Սթիվեն Սոդերբերգը։ «Ոսկե ծիրան» -ից օրեր անց Լոկառնոյի կինոփառատոնը Կոստա-Գավրասին կշնորհի պատվավոր մրցանակ՝ կինոարվեստում ունեցած անգնահատելի ավանդի համար։ Ֆրանսիական Սինեմատեքի նախագահ Կոստա-Գավրասը մի քանի ամիս անց կդառնա 90 տարեկան։ Երևանի «Ոսկե ծիրան» 19-րդ միջազգային կինոփառատոնն այս տարի տեղի կունենա հուլիսի 10-17-ը։ Այս տարի ևս միջազգային կինոտոնը հանրությանը կներկայացնի մրցութային կինոնկարներ աշխարհի տարբեր երկրներից, ինչպես նաև ֆիլմեր ամենահեղինակավոր կինոփառատոներից։ |
Մեկնարկել է «Սիմֆոնիկ Երևան» երաժշտական միջազգային փառատոնը
9613.08.2022, 16:42Հորինելով անցյալը․ Զիյա Բունիաթովն ու տարածաշրջանում հայկական ներկայությունը ժխտելու ադրբեջանական միտումները
18312.08.2022, 22:48Բերձորի Սբ. Համբարձման եկեղեցու վրայից հեռացվում են խաչերը (լուսանկար, տեսանյութ)
28210.08.2022, 19:24Սթիվեն Սիգալը վավերագրական ֆիլմ է նկարահանում Դոնբասի իրադարձությունների մասին
24109.08.2022, 21:54Ադրբեջանը մշակել է Բերձորի Սուրբ Համբարձում եկեղեցին մզկիթի վերածելու նախագիծ
60609.08.2022, 11:58Թոմ Քրուզի նոր ֆիլմը գերազանցել է «Տիտանիկ»-ը
73907.08.2022, 22:24Պեղումներ Քանագեղի ավերված դամբարանադաշտում (լուսանկար)
31303.08.2022, 01:18«Խաչքարային պատկերաքանդակ․ Ցաղաց Քար՝ 1041 թ․»․ Համլետ Պետրոսյան (լուսանկար)
31501.08.2022, 00:12