«Մարդկանց խեղված կյանքերի համար էդպես էլ ոչ ոք ռեալ պատասխանատվություն չի կրի». Աննա Կոստանյան

ԱԺ նախկին պատգամավոր Աննա Կոստանյանը գրում է. «Էսօր ադրբեջանցիները գյուղացի են գողանում տանում Նախիջևան, խոշտանգում, հետ բերում, վաղը ստորացված ու պարտադրված խաղաղության դարաշրջանի շրջանակներում «ձեր» բաղձալի ճամփեքը բացելուց հետո մատղաշ հայ երեխեքի կգողնան կտանեն կպղծեն, ճամփեքին մեքենաներ կթալանեն, վնաս կպատճառեն առեւտրականներին, մի երկու «ներողություն» սարկազմով կխնդրեն, հայկական իշխանությունը Ռուսաստանի վրա մեղքը կգցի, որ «պատշաճ» չեն կատարել հսկողության ու անվտանգության պարտավորությունները, կանցնի կգնա, ու էսպես միշտ, իսկ մարդկանց խեղված կյանքերի համար էդպես էլ ոչ ոք ռեալ պատասխանատվություն չի կրի։ Բայց «դուք» հանկարծ ձեր բռնած ուղուց չշեղվեք, կարևորը դուք բացեք ձեր ֆեյք խաղաղության դարաշրջանը»: