«Ինչո՞ւ հոկտեմբերի 27-ին չէիք մասնակցում ԱԺ նիստին»․ Լյովա Եղիազարյան

376

Կիրակի, 17 հուլիսի, 2022 թ., 00:36

«Հանրապետություն» կուսակցության անդամ Լյովա Եղիազարյանի գրառումը. ««Արմեն Գրիգորյանի հավերժության պատճառը նրա հիվանդությունը չէր»,- ասում է Սերժ Սարգսյանը։

Հլը սրան նայեք։ Հավերժության պատճառներից է խոսում։
Հիմա հարցերի շարան։

1. Ո՞րն է և ո՞վ է Արցախի Գերագույն խորհրդի առաջին նախագահ Արթուր Մկրտչյանի հավերժության պատճառը։

2. Որպես Ազգային անվտանգության նախարար կասե՞ք, թե որն է և ով է Վահրամ Խորխոռունու և Արծրուն Մարգարյանի հավերժության պատճառը։

3. Ինչու՞ հոկտեմբերի 27-ին չէիք մասնակցում ԱԺ նիստին ու որպես Հայաստանի անվտանգության թիվ մեկ պատասխանատու կասե՞ք, թե որն է և ով է Վազգեն Սարգսյանի, Կարեն Դեմիրճյանի ու մյուս զոհերի հավերժության պատճառը։

4․ Ո՞րն է և ո՞վ է Պողոս Պողոսյանի հավերժության պատճառը։

5․ Կարո՞ղ է տեղյակ եք, թե ով և ովքեր են մարտի 1-ի առնվազը տասը զոհերի հավերժության պատճառը․որի արդյունքում զավթեցիք իշխանությունը։

Չշարունակեմ։

Նամուսը գցել են շան առաջ, շունը չի կերել»։

Աղբյուրը` Լյովա Եղիազարյան