Իրավախախտման դեպք՝ Աղջոց Ս. Ստեփանոս վանական համալիրի տարածքում

413

Երկուշաբթի, 18 հուլիսի, 2022 թ., 18:09

«Պահպանության ծառայություն» ՊՈԱԿ-ի Հուշարձանների պահպանության բաժնի աշխատակիցները մշտադիտարկման աշխատանքներ են իրականացրել Կոտայքի մարզի Գառնիի գերեզմանոցում, «Խոսրովի անտառ» պետական արգելոցի տարածքում գտնվող՝ Աղջոց Ս. Ստեփանոս վանական համալիրում (Արարատի մարզ):

Այցի ընթացքում Հուշարձանների պահպանության բաժնի և ՊՄՊ Կոտայքի մարզային ծառայության աշխատակիցները քննարկել են Գառնիից հյուսիս-արևմուտք գտնվող՝ 11-14-րդ դարերով թվագրվող գերեզմանոցում նոր հուղարկավորությունների խնդիրը, ուսումնասիրել են տարածքում գտնվող Ս. Վարվառա մատուռի պահպանվածության վիճակը:

Աղջոց Ս. Ստեփանոս վանական համալիրի տարածքում, իրականացրել են հուշարձանի օդալուսանկարահանման և թվայնացման աշխատանքներ: Արձանագրել են իրավախախտման դեպք՝ տարածքում տեղադրված է եղել խաչքար: ՊՄՊ Արարատի մարզային ծառայության աշխատակիցների ձեռնարկած գործողությունների արդյունքում ձեռք է բերվել պայմանավորվածություն խաչքարը հուշարձանի տարածքից տեղափոխելու վերաբերյալ:

«Պահպանության ծառայություն» ՊՈԱԿ