Հինգշաբթի, 28 մարտի, 2024 թ.
|
Ստեփանակերտում`   +7 °C

«Գազպրոմը» միլիարդավոր ռուբլիներ կներդնի իրանական նավթի արդյունահանման մեջ

«Գազպրոմը» միլիարդավոր ռուբլիներ կներդնի իրանական նավթի արդյունահանման մեջ
693
Երեքշաբթի, 19 հուլիսի, 2022 թ., 21:18

«Գազպրոմը» ռազմավարական համագործակցության համաձայնագիր է ստորագրել Իրանի ազգային նավթային ընկերության՝ NIOC-ի հետ: Այս մասին հայտնի է դարձել երեքշաբթի՝ հուլիսի 19-ին։

Կողմերը պայմանավորվել են ռուսական էներգետիկ հսկայի կողմից իրանական հանքարդյունաբերության ոլորտում բազմամիլիարդանոց ներդրումների շուրջ։ Այս մասին հայտնում է ՏԱՍՍ-ը։

NIOC-ի գործադիր տնօրեն Մոհսեն Խոջաստեմեհրը տեղական Tasnim գործակալության հետ զրույցում ասել է, որ կողմերը մտադիր են զարգացնել Հյուսիսային Պարս հանքավայրը և Քիշ կղզու մոտակայքում գտնվող տեղանքը։ «Գազպրոմի» ընդհանուր ներդրումներն այդ հանքավայրերում կկազմեն տասը միլիարդ դոլար։

Ընդհանուր առմամբ, ռուսական էներգետիկ հսկան ծրագրել է 6 նավթային հանքավայր մշակել Իրանում։ Մեկ այլ արտադրական նախագծում «Գազպրոմի» ներդրումների մակարդակը գնահատվում է 15 մլրդ դոլար։

Հուլիսին հայտնի դարձավ, որ Իրանն սկսել է նվազեցնել նավթի գները՝ չինական շուկայում Ռուսաստանի հետ մրցակցելու համար։ Այդ մասին հայտնել են իրազեկ աղբյուրները։ 2022 թվականի մայիսին Ռուսաստանի Դաշնությունը Չինաստանին վառելիքի մատակարարումների առումով առաջ է անցել Սաուդյան Արաբիայից. ռուսական Urals-ը, ըստ FGE-ի, դուրս է մղել Իրանից մատակարարումները:

Միևնույն ժամանակ, պատժամիջոցների պայմաններում Չինաստանը Թեհրանի համար հում նավթի եզակի հասանելի շուկաներից մեկն է: Երկրում նավթի գների անկումը պայմանավորված է սև ոսկու արժեքը Ռուսաստանից գնային ցուցանիշների հետ հավասարեցնելու ցանկությամբ։