Կիրակի, 23 նոյեմբերի, 2025 թ.
|
Ստեփանակերտում`   +12 °C

«Ոսկեպարում ռուս զինվորականների համար զորանոցի կառուցումը թափ է առել». Ոսկան Սարգսյան

«Ոսկեպարում ռուս զինվորականների համար զորանոցի կառուցումը թափ է առել». Ոսկան Սարգսյան
886
Չորեքշաբթի, 20 հուլիսի, 2022 թ., 10:06

Լրագրող Ոսկան Սարգսյանի գրառումը․ «Ոսկեպարում ռուս զինվորականների համար զորանոցի կառուցումը թափ է առել. 2021 թվականի օգոստոսի սկզբից Նոյեմբերյան համայնքի սահմանամերձ Ոսկեպար գյուղում են գտնվում ռուս զինվորականներ։ Նրանք չէին հայտնում իրենց գտնվելու նպատակը, Ոսկեպարի բնակիչները կարծում էին, թե ռուս զինվորականները սահմանագոտում ուղեկալ են հիմնելու:

Անցած գրեթե մեկ տարում ռուս զինվորականները զբաղված էին Ոսկեպարում իրենց կեցավայրի՝ գյուղի չբնակեցված առանձնատներից մեկի բարեկարգմամբ։ Ներկայումս Ոսկեպարում, Հայաստան-Վրաստան միջպետական ավտոճանապարհի եզրին, նախկինում ադրբեջանաբնակ Աշաղի Ասքիպարա (Ներքին Ոսկեպար) գյուղի միջնակարգ դպրոցի քանդված շենքի դիմաց գտնվող հարթեցված տարածքում թափ է առել ռուս զինվորականների համար զորանոցի շինարարությունը։ Այդտեղ կենտրոնացած է մեծ քանակի շինանյութ։ Դատելով ամեն ինչից՝ այդտեղ կառուցելու են մոդուլներից հավաքվող կացարաններ։ Նման մի կացարան-զորանոց էլ Տավուշի մարզում կառուցվում է Բերդ խոշոր համայնքի սահմանամերձ Այգեպար գյուղից դուրս՝ ԽՍՀՄ ժամանակ գործած փոքր օդանավակայանի տարածքում»։

Աղբյուրը`   Ոսկան Սարգսյան

Կարդացե՛ք նաև