Արագածավանում ոչ մի թուրք չի մտել․ մարզպետարանը հերքում է լուրը

1034

Ուրբաթ, 22 հուլիսի, 2022 թ., 08:54

ՀՀ Արագածոտնի մարզպետարանը հայտարարություն է տարածել․ «Ի պատասխան 168.am լրատվական կայքում տեղ գտած՝ «Ինչ է կատարվում Արագածավանում» վերտառությամբ հրապարակմանը, հայտնում ենք, որ լուրը բացարձակապես չի համապատասխանում իրականությանը։ Արագածավան ոչ մի թուրք չի մտել, ոչ մի հովիվ գերի չէ։
Չենք բացառում, որ կեղծ ահազանգը կարող էր որևէ մեկի կամ մի խումբ անձանց նենգ ու ոչ ողջամիտ արարքը լինել։
‼️Լրատվամիջոցներին կոչ ենք անում առանց տեղեկատվությունը պաշտոնապես ճշգրտելու չհրապարակել իրականությանը չհամապատասխանող լուրեր, առավել ևս, երբ դրանք վերաբերում են մեր հայրենակիցների անվտանգությանը»։

Աղբյուրը` ՀՀ Արագածոտնի մարզպետարան