Իրանում որդու մահվան համար բողոքի դուրս եկած կնոջն սպառնում է մտրակի 100 հարված

2102

Չորեքշաբթի, 27 հուլիսի, 2022 թ., 17:06

Իրանում կնոջն սպառնում է մտրակի 100 հարված՝ ցույցի ժամանակ իշխանությունների կողմից սպանված որդու մահից հետո բողոքելու համար, գրում է LADBible-ը։

2019 թվականին վառելիքի թանկացումից դժգոհ ցուցարարների թվում էր Պեյման Գոլիփուրը։ Ցույցի ժամանակ Իրանի անվտանգության ուժերի կողմից մի տղամարդ է սպանվել։

Նրա մայրը՝ Մահբուբեհ Ռամեզանին, երեք տարի է՝ արդարություն է պահանջում և խնդրում պատժել իր որդու մահվան մեղավորներին։

Չնայած այն հանգամանքին, որ կնոջը բազմիցս սպառնացել են բանտարկությամբ իր բողոքի ակցիաների համար, նա չի վախեցել և հետաքննություն է պահանջել։ Մի քանի ամիս առաջ Ռամեզանին մեղավոր է ճանաչվել և հեռակա կարգով դատապարտվել մտրակի 100 հարվածի։

Հուլիսին կնոջը ձերբակալել են և տեղափոխվել Թեհրանի բանտ, որտեղ նրան, ամենայն հավանականությամբ, պատժի կենթարկեն։ Սակայն տեղի իրավապաշտպանները հույս ունեն, որ դատարանի որոշումը կվերանայվի՝ կոչ անելով հանրությանն ուշադրություն դարձնել այս գործին։