Հինգշաբթի, 10 սեպտեմբերի, 2026 թ.
|
Ստեփանակերտում`   +14 °C

Չինաստանի ղեկավարը վերջնագիր է ներկայացրել Բայդենին

Չինաստանի ղեկավարը վերջնագիր է ներկայացրել Բայդենին
1703
Հինգշաբթի, 28 հուլիսի, 2022 թ., 23:48

Չինաստանի նախագահ Սի Ցզինպինը ԱՄՆ նախագահ Ջո Բայդենի հետ հեռախոսազրույցում ասել է, որ Չինաստանը կտրականապես դեմ է անջատողականությանը և «Թայվանի անկախությանը», ինչպես նաև՝ արտաքին ուժերի միջամտությանը։

Նա հավելել է, որ չին ժողովրդի կամքը, որի բնակչությունը գերազանցում է 1,4 միլիարդը, «անդրդվելի է» ազգային ինքնիշխանության և տարածքային ամբողջականության պաշտպանության հարցում։

«Դուք չեք կարող դեմ գնալ ժողովրդի կամքին, նա, ով խաղում է կրակի հետ, անպայման ինքն իրեն կայրի»,- ասել է Սի Ցզինպինը:

Միաժամանակ, ամերիկացի նախագահը վստահեցրել է Չինաստանի առաջնորդին, որ Վաշինգթոնը չի աջակցում թայվանցի անջատականներին, հայտնել են Չինաստանի ԱԳՆ-ից։

«Պատրաստ եմ կրկնել. Միացյալ Նահանգները հետևում է «միասնական Չինաստանի» սկզբունքին։ Մեր դիրքորոշումը չի կարող փոխվել, մենք չենք աջակցում Թայվանում անջատողական տարրերին»,- ասել է Բայդենը։