«Ադրբեջանն այս էսկալացիայով մի քանի նպատակ է հետապնդում». քաղաքագետ

Քաղաքագետ Տիգրան Գրիգորյանը վերլուծել է Արցախի շփման գծում իրավիճակի սրացումը: «Կարծում եմ՝ Ադրբեջանն այս էսկալացիայով մի քանի նպատակ է հետապնդում, որոնցից գլխավորը՝ հայկական կողմի վրա ճնշում գործադրելն է, որպեսզի պաշտպանության բանակի զինաթափման ուղղությամբ որոշակի քայլեր ձեռնարկվեն»,- ասել է նա: Քաղաքագետի խոսքով՝ Ադրբեջանն այս գործողությանը վաղուց էր պատրաստվել. «Եթե նայենք Ադրբեջանի ՊՆ-ի հաղորդագրություններին՝ առնվազն վերջին մեկ ամսվա ընթացքում էսկալացիայի նախանշաններ կային»: