Նենսի Փելոսիի ինքնաթիռը ժամանել է Թայվան

993

Երեքշաբթի, 02 օգոստոսի, 2022 թ., 19:12

ԱՄՆ Ներկայացուցիչների պալատի խոսնակ Նենսի Փելոսիին տեղափոխող ինքնաթիռը վայրէջք է կատարել Թայվանում՝ Flight Radar-ի տվյալների համաձայն։

Չինաստանի և ԱՄՆ-ի միջև հարաբերությունները սրվեցին հուլիսի երկրորդ կեսին այն բանից հետո, երբ տեղեկություններ էին ստացվել, որ Փելոսին պատրաստվում է այցելել Թայվան ասիական շրջագայության շրջանակներում։ Նրա պաշտոնական ժամանակացույցը չէր ներառում այց կղզի, սպասվում էր, որ նա կայցելի Մալայզիա, Սինգապուր, Ճապոնիա և Հարավային Կորեա:

Սակայն Չինաստանը բազմիցս կոչ է արել ԱՄՆ ղեկավարությանը չեղարկել այցը՝ հիշեցնելով այն պարտավորությունների մասին, որոնք «մեկ Չինաստանի» աջակցությունը դնում է ԱՄՆ-ի վրա։