«Յուրաքանչյուր քար կարող է բանալի դառնալ հանցանքը բացահայտելու համար». Արթուր Ղազինյան
233 Երեքշաբթի, 16 օգոստոսի, 2022 թ., 00:18 ԱԺ նախկին պատգամավոր Արթուր Ղազինյանը ֆեյսբուքյան իր էջում գրել է. «Տեղի է ուցել աղետ, կան զոհեր, վիրավորներ, ավերածություն: Աղետը տեխնածին էր, թե առկա էր մարդկային գործոն, կարող է պարզել միայն օբյեկտիվ, լրիվ և բազմակողմանի նախաքննությունը, որն իրականացվում է հարուցված քրեական վարույթի շրջանակներում: Մինչ այս պահը պարզ չէ, քրեական գործ հարուցվել է, թե՞ ոչ: Եթե հարուցվել է, ապա ՀՀ Քր. օրենսգրքի ո՞ր հոդվածի հատկանիշներով է հարուցվել այդ գործը: Կատարվե՞լ են արդյոք անհետաձգելի օպերատիվ-հետախուզական կամ քննչական գործողություններ: Առևտրի կենտրոնը, բացի աղետի գոտի լինելուց, նաև դեպքի վայր է, որը պետք է զննվի: Մինչ փլատակների մաքրումը պետք է կատարվեն լուսա-տեսանկարահանումներ, արձանագրվեն փլուզման մասշտաբները, պայթյունի էպիկենտրոնը, վերցվեն տարբեր նմուշներ՝ փորձաքննության ենթարկելու և դրանց վրա առկա քիմիական տարրերը հետազոտելու համար: Մարդկային կյանքը բարձրագույն արժեք է և պետք է րոպե առաջ ձեռնամուխ լինել փլատակների տակ մնացած մարդկանց կյանքը փրկելուն, բայց դա չպետք է արվի քրեական գործի ապացույցները վերացնելու միջոցով: Այս ողբերգության հանգամանքների շուտափույթ բացահայտումը կարող է կանխել նոր, ավելի մեծ աղետներ և փրկել մի քանի անգամ ավելի մեծ թվող անմեղ կյանքեր: Եթե պարզվի, որ պայթյունի պատճառը ոչ թե հրավառության նյութերի դետոնացիան է, այլ ամոնալի կամ այլ տեսակի պայթուցիչը, ապա պետք է ձեռնարկել հրատապ ու անհետաձգելի գործողություններ, քանզի դրա հեղինակները կարող են կրկնել նույնը, բայց արդեն շատ ավելի մարդաշատ վայրերում ու շատ ավելի ծանր հետևանքներով: Հ. Գ. Պայթյունի (դեպքի) վայրը թատրոնի բեմ չէ, որտեղ յուրաքանչյուր դերասան փորձի իրեն ցույց տալ, դա ազգային անվտանգության համար կենսական նշանակության սպառնալիք պարունակող հանցանքի դեպքի վայր է, իսկ յուրաքանչյուր քար կարող է բանալի դառնալ հանցանքը բացահայտելու համար»: Աղբյուրը` Արթուր Ղազինյան |
«Ասում են՝ դպրոցի հայաթով ա ճանապարհն անցնելու»․ Գառնիկ Դանիելյան
1411:24«Եթե մենակ մենք ենք զիջում, էդ խաղաղություն չի»․ Կիրանցի բնակիչ
2311:18Լարված իրավիճակ՝ Կիրանց, Բաղանիս և Ոսկեպար գյուղերում․ ՈՒՂԻՂ ՄԻԱՑՈՒՄ (տեսանյութ)
3811:06«Տարածքների հանձնումից հետո այս ճանապարհով այլևս երթևեկ չի լինելու»․ Ոսկան Սարգսյան
4211:00Տավուշի բնակիչներն այսօր կհայտնեն հետագա քայլերի մասին
9609:18Սպասվող եղանակի մասին (լուսանկար)
8808:30«Ինչի՞ դիմաց է Ռուսաստանը դուրս բերում սեփական խաղաղապահ զորախումբն Արցախից»․ Արմեն Պետրոսյան
19703:18«Կաֆեներում ջահելությունը լատե ա խմում․ ոչ մեկ Օպերա չի գալիս»․ Նանա Սարգսյան
14401:30