Հինգշաբթի, 10 սեպտեմբերի, 2026 թ.
|
Ստեփանակերտում`   +21 °C

Վրդովված ենք ցինիկ նյութերից, որոնք հայհոյախառն մեղադրում են ռուսական կողմին՝ «Սուրմալու»-ի ողբերգության մեջ․ ՌԴ դեսպանատուն

Վրդովված ենք ցինիկ նյութերից, որոնք հայհոյախառն մեղադրում են ռուսական կողմին՝ «Սուրմալու»-ի ողբերգության մեջ․ ՌԴ դեսպանատուն
946
Չորեքշաբթի, 17 օգոստոսի, 2022 թ., 12:12

ՀՀ-ում ՌԴ դեսպանատունը հայտարարություն է տարածել․ «Մենք վրդովված ենք տեղական տեղեկատվական դաշտում շրջանառվող ցինիկ նյութերից, որոնք հայհոյախառն ու կեղծ մեղադրանքներ են հնչեցնում ռուսական կառույցների հասցեին՝ այս տարվա օգոստոսի 14-ին «Սուրմալու» առևտրի կենտրոնի տարածքում տեղի ունեցած ողբերգության մեջ ներգրավված լինելու վերաբերյալ։

Սա համարում ենք ուղիղ սադրանք քաղաքական ուժերի կողմից, որոնք կանգնած են նման ակնարկների հետևում, և որի նպատակն է խաթարել ռուս-հայկական դաշնակցային հարաբերությունները։

Հայաստանի իշխանություններից ակնկալում ենք քայլեր՝ ուղղված նման անբարյացակամ դրսևորումները ճնշելուն, ներառյալ՝ անհրաժեշտ հանրային մեկնաբանություններ։
Համապատասխան գրությունը դեսպանատան կողմից ուղարկվել է ՀՀ արտաքին գործերի նախարարություն։
Նշենք, որ ռուսական կողմը, ի դեմս Ռուս-հայկական մարդասիրական արձագանքման կենտրոնի, առաջին իսկ րոպեներից ներգրավվել է ողբերգության հետևանքների վերացման աշխատանքներում»։

Աղբյուրը`   ՀՀ-ում ՌԴ դեսպանատուն