Ուրբաթ, 11 սեպտեմբերի, 2026 թ.
|
Ստեփանակերտում`   +20 °C

Զելենսկին մանրամասներ է ներկայացրել Էրդողանի հետ հանդիպման արդյունքներից

Զելենսկին մանրամասներ է ներկայացրել Էրդողանի հետ հանդիպման արդյունքներից
1026
Հինգշաբթի, 18 օգոստոսի, 2022 թ., 21:36

Ուկրաինայի նախագահ Վլադիմիր Զելենսկին ասել է, որ Լվովում իր թուրք գործընկեր Ռեջեփ Թայիփ Էրդողանի հետ քննարկել է հացահատիկի գործարքի բարելավման, ինչպես նաև Զապորոժյեի ատոմակայանի շուրջ ստեղծված իրավիճակը։

«Լվովում հանդիպման ժամանակ Ռեջեփ Թայիփ Էրդողանի հետ քննարկել ենք հացահատիկի նախաձեռնության բարելավման հնարավորությունը, Զապորոժյեի ատոմակայանի շուրջ ստեղծված իրավիճակը»,- ​​գրել է Ուկրաինայի ղեկավարը Telegram-ի իր ալիքում։

Բացի այդ, կողմերն անդրադարձել են պաշտպանական ոլորտում համագործակցության հարցերին։ Զելենսկին մանրամասներ չի հայտնել։

Հիշեցնենք, որ Էրդողանն այսօր Լվով է ժամանել Լեհաստանի Ժեշով քաղաքից, որտեղ վայրէջք է կատարել նրա ինքնաթիռը։ Սկզբում Թուրքիայի ղեկավարը հանդիպել է Զելենսկու հետ, իսկ հետո կայացել է եռակողմ հանդիպում՝ ՄԱԿ-ի գլխավոր քարտուղար Անտոնիո Գուտերեշի մասնակցությամբ։