Տարեսկզբից միայն Երևանում վարորդական իրավունքից զրկվել է 1727 քաղաքացի

495

Չորեքշաբթի, 07 սեպտեմբերի, 2022 թ., 19:54

2022-ի հունվարից մինչև սեպտեմբերի 1-ն ընկած ժամանակահատվածում պարեկների կողմից արձանագրված իրավախախտումներով միայն Երևանի քննչական տարածքային տարբեր ստորաբաժանումներ ուղարկված նյութերով վարորդական իրավունքից զրկվել է 1727 քաղաքացի։ Տեղեկությունը հայտնում է ոստիկանությունը։

Նույն ժամանակահատվածում հայտնաբերվել է վարելու իրավունքից զրկված 562 քաղաքացի, որոնք մեքենա են վարել։ Բոլոր դեպքերով նախաձեռնվել են քրեական վարույթներ։
Այսինքն՝ ճանապարհային երթևեկության կանոնների խախտում հայտնաբերելու դեպքում պարեկներն ու ճանապարհային ոստիկանները կազմում են վարչական իրավախախտման վերաբերյալ արձանագրություն։ Իսկ որոշ իրավախախտումներ էլ՝ կապված հասարակական ավելի բարձր վտանգավորության հետ, նախատեսում են քրեական պատասխանատվություն։
Ի դեպ, վարորդը կարող է բողոքարկել պարեկային ծառայողի գործողությունները։