«Սերտիֆիկատներ ստացել է 4000 շահառուներից ընդամենը 21-ը». Ելենա Կիրակոսյան
660 Հինգշաբթի, 08 սեպտեմբերի, 2022 թ., 14:06 ԱԺ «Հայաստան» խմբակցության պատգամավոր Ելենա Կիրակոսյանը ֆեյսբուքյան իր էջում գրել է. «Բռնի տեղահանված Արցախի մեր հայրենակիցները, այդ թվում՝ նաև Բերձորի, Աղավնոյի և Ներքին Սուսի բնակիչները, արդեն ոչ միայն տեսականորեն, այլև գործնականում համոզվել են, թե որքանով է իրական բնակարաններ ձեռք բերելու հարցում պետության խոստացած աջակցությունը: Որպես փոխհատուցում առաջարկվող գումարը ոչ միայն բավական չէ տուն գնելու համար, այլև այդ սերտիֆիկատների առկայությունը չի երաշխավորում, որ հնարավոր կլինի հիփոթեկային վարկ ձևակերպել: Ի դեպ, սերտիֆիկատներ ստացել է 4000 շահառուներից ընդամենը 21-ը: Արդյունքում, ստացվում է, որ կառավարության սոցիալական այս ծրագիրը ևս ունի իմիտացիոն բնույթ և կոչված է ինչ-որ չափով հանրությանը մարսեցնել հայրենիքը թշնամուն մաս-մաս հանձելու գործընթացը: Ընդհանրապես, իշխանություններն առաջ են շարժվում հռոմեական «հաց և տեսարաններ» սկզբունքով՝ իշխանությունների վարկանիշին հարվածող, հանրության մոտ դժգոհության ալիք բարձրացնող ցանկացած քայլ ուղեկցվում է կա՛մ շեղող տեսարաններով, կա՛մ ժողովրդի սոցիալական վաթարացած վիճակը չնչին բարելավելու մասին հայտարարություններով: Հիշեցնեմ, որ կառավարությունն ընդամենը մի քանի ամիս առաջ նախատեսում էր թոշակները բարձրացնել միայն 2023 թվականի հունվարին, սակայն Բերձորն, Աղավնոն և Ներքին Սուսը հանձնելու գործընթացին զուգահեռ հայտարարեց արդեն իսկ սեպտեմբերից թոշակները 2000 դրամով բարձրացնելու մասին, որը կրկին ավելի շատ նմանվում է իմիտացիայի, քան պետության սոցիալական պատասխանատվության»: Աղբյուրը` Ելենա Կիրակոսյան |
«Մի օր էլ տնից դուրս կգաք ու երբ հետ գաք տուն, չեք կարողանա մտնել, հանձնած կլինի». Կարապետ Պողոսյան
7806:00«Ադրբեջանական լրատվամիջոցներն սկսել են արծվաշենյան «տեղեկատվական գրոհը»». Կարեն Հեքիմյան
9504:00«Տավուշի թեմի առաջնորդն այսօր մեծ բեռ է վերցրել իր ուսերին». Հրանտ Մելիք-Շահնազարյան
9702:06«Առավոտից այս շարժումը պիտի համահայաստանյան դառնա». Բագրատ Սրբազան (տեսանյութ)
11901:18Սեպտեմբերի 19-ին ԼՂ–ի վրա ադրբեջանական հարձակման հետևանքով 42 հայ է անհետ կորել․ Պետդեպ
10400:54Երևանում ԱԺԲ–ի ակցիայի 96 մասնակից է բերման ենթարկվել
9200:48«Նվիրվածությունը ազգային շահերին ու անվտանգությանը պետք է դառնան քաղաքական զարթոնքի հիմնաքար». Դավիթ Անանյան
9300:36«Ծիծեռնակաբերդում երեխեք կային, որոնց ծնողները զոհվել են ցինիկ Աննայի ու իր ցեղասպան մարդու ձեռքով». Ռոբերտ Հայրապետյան
132Երեկ, 23:30