Կիրակի, 15 մարտի, 2026 թ.
|
Ստեփանակերտում`   +4 °C

Նորվեգիան Ուկրաինային է հանձնել Hellfire հակատանկային հրթիռներ

Նորվեգիան Ուկրաինային է հանձնել Hellfire հակատանկային հրթիռներ
1811
Հինգշաբթի, 08 սեպտեմբերի, 2022 թ., 22:36

Նորվեգիան Ուկրաինային է փոխանցել մոտ 160 Hellfire հրթիռներ, արձակման հարթակներ, ուղղորդող ստորաբաժանումներ և գիշերային տեսողության սարքեր, որոնք ծառայում էին Նորվեգիայի բանակին, հայտարարել է պաշտպանության նախարար Բյորն Արիլդ Գրամը, հայտնում են ուկրաինական լրատվամիջոցները։

«Սա այն զենքն է, որը խնդրել է Ուկրաինան, և այն օգտակար կլինի ռուսական օկուպացիոն ուժերի դեմ պայքարում»,- ասել է նախարարը։

Նրա խոսքով՝ հրթիռը հեշտ է կառավարվում, այն կարող է օգտագործվել ինչպես ցամաքային, այնպես էլ ծովային թիրախների դեմ։

Hellfire-ը տարբեր մոդիֆիկացիաներով ամերիկյան կառավարվող հակատանկային և զենիթային հրթիռ է, որն արձակվում է փակ դիրքից՝ առանց թիրախի հետ անմիջական տեսողական շփման։ Օգտագործվում է ուժեղ պաշտպանություն ունեցող օբյեկտների՝ ուղղաթիռների, ինքնաթիռների, անօդաչու թռչող սարքերի, վերգետնյա տրանսպորտային միջոցների դեմ։ Խոցելիության հեռահարությունը հասնում է 8 կիլոմետրի։

Կարդացե՛ք նաև