Մոլդովան արգելել է Air Moldova-ին վերսկսել թռիչքները դեպի Ռուսաստան
492 Շաբաթ, 10 սեպտեմբերի, 2022 թ., 22:30 Մոլդովայի քաղաքացիական ավիացիայի վարչությունն արգելել է Air Moldova-ին և այլ ազգային ավիափոխադրողներին վերսկսել թռիչքները Քիշնևի և Մոսկվա միջև, շաբաթ օրը՝ սեպտեմբերի 10-ին, ասել է փոխվարչապետ Անդրեյ Սպինուն։ Թռիչքներն արգելելու որոշումն ընդունվել է Մոլդովայի իշխանությունների կողմից՝ համաձայն Քաղաքացիական ավիացիայի միջազգային կազմակերպության (ICAO) «անվտանգության կարևոր խնդիրների» և Եվրոպական ավիացիոն անվտանգության գործակալության (EASA) հրահանգների, ասվում է Մոլդովայի կարգավորիչի հայտարարության մեջ։ Մոլդովան դադարեցրել է օդային հաղորդակցությունը Ռուսաստանի Դաշնության հետ՝ կապված Ուկրաինա ռուսական ներխուժման հետ։ Նախօրեին Air Moldova-ն հայտարարել էր, որ հոկտեմբերի 1-ից վերսկսելու է թռիչքները դեպի Մոսկվա՝ «Ռուսաստանի Դաշնությունում գտնվող և հայրենիք վերադառնալ ցանկացող Մոլդովայի Հանրապետության քաղաքացիների բազմաթիվ դիմումներից հետո»։ «Թռիչքները վերսկսելու որոշումը պայմանավորված է ուղևորների՝ համաճարակի ժամանակ և փետրվարին թռիչքների դադարեցումից հետո ձեռք բերված տոմսերից օգտվելու խնդրանքով։ Թռիչքների վերականգնումը (դեպի Ռուսաստան-խմբ.) պատասխանն է մեր հայրենակիցների կոչերին», - պարզաբանել էին ընկերությունից։ Մարտին EASA-ն արգելել էր ռուսական ավիափոխադրողներին կամ նրանց ինքնաթիռներին, անկախ ինքնաթիռի գրանցման վիճակից, թռիչքներ իրականացնել ԵՄ տարածքով: Բացի այդ, արգելք է մտցվել ավիացիոն ոլորտում Ռուսաստանին տեխնիկական աջակցության տրամադրման վերաբերյալ։ |
«Սակրավորներ կան՝ հրաժարվում են ականազերծման աշխատանքներ իրականացնել»․ Գառնիկ Դանիելյան (տեսանյութ)
1315:24«Պատերազմ բերածն էլ եք դուք, զոհերի պատճառն էլ եք դուք»․ Սրբազանը՝ իշխանություններին (տեսանյութ)
3515:06«Կրեատիվ բողոքի ակցիա՝ Մանումենտի կամրջի տակ»․ Ռ․ Մելիքյան (տեսանյութ)
7614:18Գյումրի-Վանաձոր ճանապարհը փակ է (տեսանյութ)
7114:06Իրավիճակը Կիրանցում՝ ուղիղ միացմամբ (տեսանյութ)
7113:48Փարիզում գողացել են Rafale կործանիչներ արտադրող ընկերության գաղտնի տվյալներով պայուսակը
12913:24Բժիշկներն ասել են՝ 2–3 օրից հետո օրգանիզմը չի դիմանա
8413:18Քաղաքացիները փակել են Շիրակի և Արտաշիսյան փողոցները (տեսանյութ)
8212:30