Հրթիռային հարվածների հետևանքով Ուկրաինայի մի մասը մնացել է առանց էլեկտրականության

Խարկովի և շրջանի տարբեր թաղամասերում ենթակառուցվածքային օբյեկտների վրա հարձակումների պատճառով էլեկտրամատակարարում չկա, էլեկտրամատակարարման հետ կապված խնդիրներ են գրանցվել նաև Պոլտավայի և Սումիի շրջաններում։

Խարկովի բնակիչները հայտնում են քաղաքի տարբեր հատվածներում էլեկտրականության բացակայության մասին։ Լոզովայում նույնպես էլեկտրականություն չկա։

Ավելի ուշ Խարկովի քաղաքապետ Իգոր Տերեխովը հայտնել է, որ ռուսները հարձակվել են Խարկովի ենթակառուցվածքների վրա։

«Հարվածի հետևանքով քաղաքի շատ շրջաններ հոսանքազրկվել են։ Նույն պատճառով նույն տարածքներում ջուր չկա՝ պոմպերը չեն աշխատում։ Սա ռուս ագրեսորի ստոր և ցինիկ վրեժն է՝ ի պատասխան մեր բանակի հաջողություններին՝ ռազմաճակատում, մասնավորապես՝ Խարկովի շրջանում»,- գրել է Տերեխովը։