Հնդկաստանն «ագրեսոր կողմին» կոչ է անում դադարեցնել ռազմական գործողությունները հայ-ադրբեջանական սահմանին

Հնդկաստանն «ագրեսոր կողմին» կոչ է անում անհապաղ դադարեցնել ռազմական գործողությունները հայ-ադրբեջանական սահմանին, լրատվամիջոցների հարցումներին ի պատասխան հայտնել է այդ երկրի արտաքին գերատեսչության խոսնակ Շրի Արինդամ Բագչին (Shri Arindam Bagchi)՝ առանց հստակեցնելու, թե, մասնավորապես, կոչը որ կողմին է ուղղված։

«Մենք տեսել ենք 2022 թվականի սեպտեմբերի 12/13-ին հայ-ադրբեջանական սահմանի երկայնքով հարձակումների մասին հաղորդումներ, այդ թվում՝ քաղաքացիական բնակավայրերի և ենթակառուցվածքների թիրախավորումը։ Մենք կոչ ենք անում ագրեսոր կողմին անհապաղ դադարեցնել ռազմական գործողությունները», - ասել է Հնդկաստանի ԱԳՆ խոսնակը՝ նշելով՝ երկկողմ վեճերը պետք է կարգավորվեն դիվանագիտական երկխոսության միջոցով։