«Ի՞նչ պետք է անենք մենք՝ որպես պետություն և ազգ, երբ թշնամին փորձում է վախեցնել». Արթուր Հովհաննիսյան

ՔՊ-ական պատգամավոր Արթուր Հովհաննիսյանի գրառումը․ «Ի՞նչ պետք է անենք մենք որպես պետություն և ազգ, երբ թշնամին փորձում է ճնշել, վախեցնել, գրավել։ Առաջնային անելիքը միասնականությունն ու համախմբումն է պետականության շուրջ, ինչը ենթադրում է ներքին տարաձայնությունների առժամանակյա սառեցում, ուժերի և ռեսուրսների կենտրոնացում, անվերապահ աջակցություն բանակին ու ռազմաքաղաքական ղեկավարությանը, ու սա ես ասում եմ և՛ որպես պատգամավոր, և՛ որպես շարքային քաղաքացի։

Քաղաքական-հասարակական գործիչները պետք է խոսեն մեկ լեզվով, միանման և հստակ, հասցեկան ուղերձներով թե՛ ներքին, թե՛ արտաքին լսարանի դեպքում, լրատվական ոլորտի ներկայացուցիչները պետք է տարածեն պաշտոնական, ճշտված ու հավաստի տեղեկատվություն, տնտեսվարողները պետք է լինեն էլ ավելի բարեխիղճ, և առհասարակ, յուրաքանչյուրս մեր տեղում պետք է ստանձնենք մեր բաժին պատասխանատվությունն ու առաջնորդությունը։

Այո՛, մենք քիչ ենք և փոքր քարտեզի վրա, այս հանգամանքը մի կողմից բարդացնում է իրավիճակն ուժերի հարաբերակցության առումով, բայց մյուս կողմից հնարավորություն է տալիս գործել, որպես մեկ միասնակ մարմին, լինել առավել կազմակերպված, ու մենք պե՛տք է լինենք կազմակերպված ու գերկարգապահ․ այլընտրանք չկա։ Որևէ մեկս իրավունք չունի թուլանալու ու թուլացնելու սահմանին կռվող տղերքի թիկունքը, իսկ մեզ ներսից թուլացնել փորձողները պետք է խստորեն պատժվեն։

Եվ ուրմեն՝ բոլորս պետք է գիտակցենք՝ ինչ է պետությունը, որն է անկախությունն ու համախմբվենք հայկական պետականության՝ Հայաստանի Հանրապետության շուրջ երկրի ներսում և սփյուռքում»։