Ռոբերտ Քոչարյանի աջակիցները գնացել են նրա տան մոտ. դիմավորել է որդին

Ազգային ժողովի դիմաց բողոքի ակցիա անող քաղաքացիների մի մասը Բաղրամյան պողոտայից գնացել է ՀՀ երկրորդ նախագահ Ռոբերտ Քոչարյանի գրասենյակ, որտեղ նրանց հանդիպել է նախագահի որդին՝ Լևոն Քոչարյանը։

Քաղաքացիներն ասել են, որ ցանկում են, որպեսզի Ռոբերտ Քոչարյանը կոչով հանդես գա և մարդկանց հավաքի մի տեղ, որպեսզի հասկանան, թե ինչպես են լուծելու Հայաստանի առջև ծառացած խնդիրները։

Լևոն Քոչարյանը քաղաքացիներին պատասխանել է, որ հիմա հանդիպում կազմակերպելու համար ժամանակ է հարկավոր և խոստացել է, որ վաղը կտեղեկացնի, թե երբ, որտեղ և ինչ ձևաչափով է լինելու Ռոբերտ Քոչարյանի հանդիպումը քաղաքացիների հետ։