«Հայաստանին են հանձնել Դավիթի մարմինը, ում վերքերը վիրակապում էին ադրբեջանցիները». Արամ Գևորգյան

Բլոգեր, լրագրող Արամ Գևորգյանը գրում է. «Հավանաբար տեսել եք այն տեսանյութը, որտեղ ադրբեջանցիներն իբր թե վիրակապում են ուսից վիրավոր մեր զինվորին։ Զինվորը ժամկետային զինծառայող, 2002-ին ծնված Դավիթ Գիշյանն էր։ Սեպտեմբերի 17-ին ադրբեջանը Հայաստանին էր հանձնել 32 հայ զինծառայողի մարմին, որոնց թվում էր նաև Դավիթի մարմինը... Սա էն ամենն է, ինչ պետք է իմանալ թշնամու «մարդասիրության» մասին. նկարները, ի ցույց աշխարհի ցուցադրեն, որ տեսեք-տեսեք, մենք վիրակապում ենք հայ զինվորին, իսկ հետո սպանեն ու մարմինն ուղարկեն Հայաստան։ Լույսերի մեջ մնաս, Դավի՛թ ջան»։