Կիրակի, 25 սեպտեմբերի, 2022 թ.
|
Ստեփանակերտում`   +16 °C

Տեղի կունենա նոր հանդիպում` 3+2+2 ձևաչափով. «Հրապարակ»

Տեղի կունենա նոր հանդիպում` 3+2+2 ձևաչափով. «Հրապարակ»
354
Երեքշաբթի, 20 սեպտեմբերի, 2022 թ., 09:18

«Հրապարակ»-ը գրում է. «Առաջին նախագահ Լևոն Տեր-Պետրոսյանի և Վեհափառի հանդիպման մասին հայտարարությունից հետո ՀՅԴ ԳՄ անդամ Իշխան Սաղաթելյանը հանդես եկավ հայտարարությամբ, որով ըստ էության հասկացնում էր, որ հիշյալ հանդիպումը կայացել է իր նախաձեռնությամբ։

Հիշեցնենք, որ սեպտեմբերի 14-ին Սաղաթելյանը հանդես էր եկել հրապարակային առաջարկությամբ, որ ստեղծված իրավիճակում անհրաժեշտ է Վեհափառ հայրապետի, նախկին նախագահների, զինվորականների, ազդեցիկ գործիչների համահավաք՝ քննարկելու իրավիճակից դուրս գալու ելքերը: «Նշեմ, որ առաջարկս ձևակերպված ներկայացրել եմ բոլոր կողմերին: Այս ընթացքում արդեն տարբեր ձևաչափերով տեղի են ունեցել մի շարք կարևոր հանդիպումներ: Ես վստահ եմ, որ սա ստեղծված իրավիճակից լավագույն, գուցեև միակ ելքն է: Ուստի շարունակելու եմ ջանք չխնայել այդ ուղղությամբ՝ հույսով, որ շուտով կլինեն տեսանելի արդյունքներ»,- նշել էր նա։

Մեր տեղեկություններով՝ առաջիկա օրերին տեղի է ունենալու նոր հանդիպում՝ 3+2+2 ֆորմատով, մասնակցելու են ՀՀ և ԼՂ նախկին նախագահները և երկու կաթողիկոսները: Թերահավատ են Արամ 1-ինի հարցում, ով սիրում է բոլորի հետ «խաղեր տալ», մյուսները տվել են նախնական համաձայնություն: Հանդիպումից հետո նախատեսվում է, որ այս պատկառելի ֆորմատը հանդես կգա հայտարարությամբ՝ սթափության կոչ անելով իշխանություններին: Մյուս քայլերը քննարկվեն հանդիպման ժամանակ»:

Մանրամասները՝ թերթի համարում: