Ադրբեջանական ստորաբաժանումներից մեկը դիմել է սադրանքի. ՀՀ ՊՆ

817

Շաբաթ, 24 սեպտեմբերի, 2022 թ., 10:41

Սեպտեմբերի 23-ին՝ ժամը 19:30-ի սահմաններում, Ադրբեջանի ԶՈՒ ստորաբաժանումներից մեկը դիմել է սադրանքի՝ փորձելով անցնել հայ-ադրբեջանական սահմանագոտու արևելյան ուղղությամբ տեղակայված հայկական մարտական դիրքերից մեկի թիկունք:
ՀՀ ԶՈՒ ստորաբաժանումների հմուտ գործողությունների շնորհիվ հակառակորդը հետ է շպրտվել ելման դիրքեր:
Հայկական կողմում կորուստներ չկան:
Գիշերվա ընթացքում այլ միջադեպեր չեն արձանագրվել։
Սեպտեմբերի 24-ի ժամը 10:00 դրությամբ իրավիճակը հարաբերականորեն կայուն է։ Այս մասին հայտնում է ՀՀ ՊՆ մամուլի քարտուղարը:

Աղբյուրը` ՀՀ ՊՆ մամուլի քարտուղար