Զորահավաք հայտարարելուց ի վեր Ֆինլանդիա է մեկնել ավելի քան 43 հազար ռուսաստանցի
298 Երեքշաբթի, 27 սեպտեմբերի, 2022 թ., 22:24 Սեպտեմբերի 21-ից սեպտեմբերի 26-ն ընկած ժամանակահատվածում Ռուսաստանի հետ սահմանով Ֆինլանդիա է մեկնել 43603 ռուսաստանցի: Միևնույն ժամանակ նույն սահմանով ՌԴ է գնացել 22666-ը։ Այս մասին հաղորդվում է Ֆինլանդիայի սահմանապահ ծառայության կայքում։ Եթե մինչև սեպտեմբերի 21-ը, երբ Ռուսաստանում «մասնակի» զորահավաք հայտարարվեց, օրական երեք հազարից ավելի ռուսներ էին մտնում Ֆինլանդիա, ապա սեպտեմբերի 21-ից հետո մտնողների թիվը հասել է օրական 4-8 հազարի։ Ֆինլանդիան, Վրաստանը, Ղազախստանը և այլ երկրներ բախվում են Ռուսաստանի քաղաքացիների գերհոսքի, ովքեր որոշել են լքել երկիրը «մասնակի» զորահավաքի հայտարարումից հետո: Ըստ Paper-ի՝ ռուսները շարունակում են հերթագրվել Ֆինլանդիայի հետ սահմանին գտնվող անցակետերում: Սահմանը հատելը պահանջում է մեկուկես ժամից մինչև երեքուկես ժամ։ Ավելի վաղ հաղորդվել էր, որ Ֆինլանդիան մտադիր է ամբողջությամբ արգելել շենգենյան վիզաներով ռուս զբոսաշրջիկների մուտքն ու տարանցումը երկիր, ինչպես նաև կդադարեցնի ժամանակավոր ապաստան տրամադրելը Ռուսաստանի զորահավաքից խուսափողներին։ Այս ֆոնին Ֆինլանդիայի սահմանապահ ծառայությունն առաջարկում է ցանկապատել Ռուսաստանի հետ սահմանի մի մասը՝ երկիր անօրինական մուտքը կանխելու համար։ Գերատեսչությունն արդեն սկսել է մասնակի ցանկապատի նախագծումը։ Սեպտեմբերի 21-ից Ղազախստան է մուտք գործել Ռուսաստանի 98 հազար քաղաքացի, դուրս է եկել 64 հազար 234 ռուսաստանցի։ Երկրի նախագահ Կասիմ-Ժոմարտ Տոկաևը նշել է, որ նրանք ստիպված են լքել Ռուսաստանի Դաշնությունը «ներկայիս անելանելի իրավիճակի պատճառով»։ Նրա խոսքով, օգնություն կտրամադրվի արտերկրից ժամանող այցելուներին, սակայն նրանք ոչ մի նախապատվություն չեն ստանա։ |
«Ադրբեջանական լրատվամիջոցներն սկսել են արծվաշենյան «տեղեկատվական գրոհը»». Կարեն Հեքիմյան
1404:00«Տավուշի թեմի առաջնորդն այսօր մեծ բեռ է վերցրել իր ուսերին». Հրանտ Մելիք-Շահնազարյան
5002:06«Առավոտից այս շարժումը պիտի համահայաստանյան դառնա». Բագրատ Սրբազան (տեսանյութ)
7301:18Սեպտեմբերի 19-ին ԼՂ–ի վրա ադրբեջանական հարձակման հետևանքով 42 հայ է անհետ կորել․ Պետդեպ
6300:54Երևանում ԱԺԲ–ի ակցիայի 96 մասնակից է բերման ենթարկվել
5800:48«Նվիրվածությունը ազգային շահերին ու անվտանգությանը պետք է դառնան քաղաքական զարթոնքի հիմնաքար». Դավիթ Անանյան
7200:36«Ծիծեռնակաբերդում երեխեք կային, որոնց ծնողները զոհվել են ցինիկ Աննայի ու իր ցեղասպան մարդու ձեռքով». Ռոբերտ Հայրապետյան
101Երեկ, 23:30«Սասո՛ւն Միքայելյան և կցորդներ, հավաքե՛ք ձեզ». Բագրատ Սրբազան (տեսանյութ)
87Երեկ, 23:18