Մոսկվայից Երևան չարթերային չվերթի ամենաէժան տոմսն արժե մոտ 200 հազար ռուբլի. #The_Guardian
![]() 1184 Չորեքշաբթի, 28 սեպտեմբերի, 2022 թ., 00:12 Մասնավոր ինքնաթիռների վարձակալության պահանջարկն աճել է մասնակի մոբիլիզացիայի հայտարարումից հետո Ամենից հաճախ նման թռիչքներ են իրականացվում դեպի Հայաստան, Թուրքիա և Ադրբեջան, որոնք ռուսներին թույլ են տալիս մուտք գործել առանց վիզայի, գրում է The Guardian-ը։ Հրատարակության տվյալներով՝ ութ ուղևորի համար ինքնաթիռի վարձակալության արժեքը տատանվում է 5 միլիոնից մինչև 9 միլիոն ռուբլի, ինչը սովորական ուղեվարձից շատ ավելի թանկ է։ «Իրավիճակն այս պահին բացարձակ խելահեղ է։ Սովորաբար մենք ստանում էինք օրական 50 հարցում, իսկ այժմ՝ մոտ 5000», - ասում է «Your Charter» ռեակտիվ ինքնաթիռների արտադրության բրոքերային ընկերության տնօրեն Եվգենի Բիկովը։ Ընկերությունը սկսել է ավելի մեծ օդանավերի ամրագրումը՝ պահանջարկը բավարարելու և գների իջեցման համար: Նա հավելել է, որ Մոսկվայից Երևան չարթերային չվերթի ամենաէժան տոմսն արժե մոտ 200 հազար ռուբլի։ FlightWay-ը, որը թռիչքներ է կազմակերպում մասնավոր ինքնաթիռներով, հայտնել է Հայաստան, Թուրքիա, Ղազախստան և Դուբայ միակողմանի թռիչքների հարցումների աճի մասին. պահանջարկն աճել է 50 անգամ։ Ընկերության ղեկավար Էդուարդ Սիմոնովը նշել է, որ վարձակալության համար մատչելի ինքնաթիռների թիվը զգալիորեն նվազել է այն բանից հետո, երբ ԵՄ-ն և Մեծ Բրիտանիան պատժամիջոցներ են սահմանել Ռուսաստանի դեմ։ «Այժմ պահանջարկը գերազանցում է առաջարկը, և գները 6 ամիս առաջվա համեմատ բարձրանում են», - ավելացրել է Սիմոնովը: Ռուսաստանից հոսքը զգալիորեն ավելացավ մասնակի մոբիլիզացիայի մասին հայտարարությունից և զինվորական տարիքի տղամարդկանց համար սահմանների հնարավոր փակման մասին հաղորդումներից հետո։ Առևտրային թռիչքների տոմսերի մեծ մասը սպառվել է նախագահի ելույթից անմիջապես հետո, իսկ մեկնողների հոսքի պատճառով Ռուսաստանի սահմանային կետերում մի քանի կիլոմետրանոց խցանումներ են գոյացել։ |
Հուլիսի 3-ին Միածնաէջ Մայր Տաճարում պատարագ կմատուցի Բրազիլիայի թեմի առաջնորդը
9321:54Եկատերինբուրգում կալանավորված ադրբեջանցիների ընդհանուր թիվը հասել է 8-ի
9521:36Միքայել Սրբազանի և Կաթողիկոսի ճանապարհը փակած կինը իշխանական քարոզիչ Հարություն Մկրտչյանի զոքանչն էր (տեսանյութ)
18021:12Միքայել Սրբազանի պաշտպանները միջնորդություն են ներկայացրել քրեական հետապնդումը դադարեցնելու վերաբերյալ
11521:06Ադրբեջանը կոչ է անում Ռուսաստանին չսրել իրավիճակը
24020:44«Քո վախերը հախիցդ ավելի շուտ կգան, քան վաղվա Հայաստանի իրավապահ համակարգը». Նիկոլ Փաշինյան (տեսանյութ)
12320:06«Պետությունն ասել է՝ կրճատեք աշխատակազմը, չենք կրճատել, մեր գրպանից ենք աշխատավարձերը տալիս»․ Նարեկ Կարապետյան (տեսանյութ)
19819:36«Կարող ա մի օր էլ արթնանաս, տենաս՝ խիարը թարս է բուսնել». Արամ Մանուկյան
16019:18