«Երրորդ երկրներ աջակցում են ճանապարհների՝ ադրբեջանական իտերպրետացիային». Արարատ Միրզոյանը՝ Ադրբեջանի պահանջած միջանցքի վերաբերյալ

Այսօր կայացած ամուլի ասուլիսի ժամանակ իրանցի լրագրողը Արարատ Միրզոյանին հարց հղեց «Ադրբեջանը Նախիջևանին կապող միջանցքի» վերաբերյալ: Արարատ Միրզոյանը նախ նկատեց, որ հարցի մեջ թյուրիմացություն կա. «Մենք, ինչպես նախկինում բազմիցս հայտարարել ենք, պատրաստ ենք բացել ճանապարհներն ադրբեջանական ուղևորափոխադրումների և բեռնափոխադրումների համար՝ անշուշտ կասկածի տակ չդնելով, որ բոլոր բացվելիք ենթակառուցվածքները պետք է մնան այն երկրների սուվերենության ներքո և գործեն այն երկրների օրենսդրության համաձայն, որոնց տարածքով որ անցնում են: Հայկական կողմի հիմնական պահանջն է՝ ճանապարհները պետք է մնան մեր սուվերենության ներքո: Ցավոք սրտի, մենք հանդիպում ենք Ադրբեջանի անզիջում վարքագծին այս հարցում և կարող եմ ասել նաև, որ տեսնում ենք, որ այլ՝ երրորդ երկրներ երբեմն նույնիսկ անսպասելի երրորդ երկրներ, աջակցում են այս ճանապարհի՝ ադրբեջանական իտերպրետացիային: Բազմիցս ասել ենք, որ էքստրատերիտորիալ կարգավիճակին կամ դրան բնորոշ առանձին կարգավորումներով միջանցքի բացման մասին Հայաստանի տարածքով խոսք լինել չի կարող»: