«Հայաստանը գնում է ռուսական սցենարին հակառակ ուղղությամբ». Տիգրան Աբրահամյան

«Պատիվ ունեմ» խմբակցության քարտուղար Տիգրան Աբրահամյանը լրագրողների հետ զրույցում անդրադարձել է «Վալդայ» միջազգային քննարկման ակումբի լիագումար նիստում ՌԴ նախագահ Վլադիմիր Պուտինի արած հայտարարություններին․ «Պուտինի փաստացի ամրագրումն այն էր, որ Հայաստանի իշխանությունները գնում են մի ճանապարհով, որը և՛ Հայաստանի, և՛ Արցախի շահերը տրորում է։
Իսկ ՀՀ իշխանության տարբեր ներկայացուցիչների հայտարարությունները ցույց են տալիս, որ ՀՀ-ն գնում է պայմանական ռուսական սցենարին հակառակ ուղղությամբ։ Նրանք հրաժարվել են Արցախի ճակատագրի հետ կապված որևէ քննարկումներից։ Սցենարային առումով Հայաստանը համաձայնություն է տվել այն զարգացումներին, որոնք ենթադրում են Արցախը թողնել Ադրբեջանի կազմում։ Նրանց առաջնային նպատակն է հնարավորինս արագ ձերբազատվել Արցախի հարցից ու, լավագույն դեպքում, սահմանափակվել հումանիտար բնույթի հարցերի բարձրաձայնմամբ»։