«Կան դեպքեր, երբ պատմամշակութային հուշարձանների վերականգնման պրոցեսում շուշաբանդային տրամաբանություններ են օգտագործվում». Փաշինյան

«Միշտ էլ եղել են մարդիկ՝ գործարարներ, ովքեր ցանկացել են որոշակի ներդրում անել. գնահատելի է նոր եկեղեցիներ կառուցելու միտումը, կամ հոգևոր նշանակության այլ կառույցներ կառուցելը: Այսօր ՀՀ-ում կան բազմաթիվ պատմամշակութային հուշարձաններ, որոնք ոչնչացման հոսքագծի վրա են գտնվում, կամ վնասման: Կառավարությունն այս ուղղությամբ շարունակելու է աշխատել»,- հայտարարեց վարչապետ Նիկոլ Փաշինյանը՝ հավելելով, որ, ցավոք, կան դեպքեր, երբ պատմամշակութային հուշարձանների վերականգնման գործընթացում «շուշաբանդային տրամաբանություններ են օգտագործվում» կամ «կաֆել-մետլախային»: «Այս ուղղությամբ պետք է զգույշ և ուշադիր լինել՝ համագործակցելով ԿԳՄՍՆ-ի հետ՝ հուշարձանների պահպանման առումով առաջընթաց և ոչ թե հետընթաց ունենալու համար»,- ասաց նա: