Պուտինը հեռախոսազրույց է ունեցել Իրանի նախագահի հետ

ՌԴ նախագահ Վլադիմիր Պուտինը հեռախոսազրույց է ունեցել իրանցի գործընկեր Էբրահիմ Ռաիսիի հետ, հայտնում է Կրեմլի մամուլի ծառայությունը։
Նշվում է, որ երկու երկրների ղեկավարները քննարկել են երկկողմ հարաբերություններին առնչվող որոշ հարցեր՝ շեշտը դնելով քաղաքական, առևտրատնտեսական, այդ թվում՝ տրանսպորտի և լոգիստիկայի ոլորտներում համագործակցության հետագա ամրապնդման վրա։
Բացի այդ, պետությունների ղեկավարները պայմանավորվել են ակտիվացնել շփումները Ռուսաստանի և Իրանի գերատեսչությունների միջև։