«Հեռարձակման թույլտվությունից կզրկվեն այն մեդիաները, որոնց անունն ասոցացվում է շահումով խաղերի, խաղատների, բուքմեյքերների անվանումների հետ»․ Գևորգ Պապոյան

Այսօր՝ նոյեմբերի 15-ին, «Տեսալսողական մեդիայի մասին օրենքում լրացում կատարելու և Գովազդի մասին օրենքում փոփոխություններ կատարելու մասին» օրենքների նախագծերի փաթեթն ընդունելու հարցի քննարկման ընթացքում ՔՊ-ական պատգամավոր Գևորգ Պապոյանն իր ելույթում ասել է․ «Հեռարձակման թույլտվությունից կզրկվեն այն մեդիաները, որոնց անունն ասոցացվում է շահումով խաղերի, օնլայն կամ ոչ օնլայն խաղատների, բուքմեյքերների անվանումների հետ։ Գործող մեդիաները պետք է փոխեն իրենց անվանումները 6 ամսվա ընթացքում, նորերն այդպիսի անվանումներով այլևս չեն կարող ստանալ հեռարձակման թույլտվություն»։