Ուրբաթ, 29 մարտի, 2024 թ.
|
Ստեփանակերտում`   +16 °C

ՌԴ ՊՆ-ն հերքում է, Լեհաստանը հայտարարում է զոհերի մասին՝ հրապարակելով հրթիռակոծության տեսանյութ

ՌԴ ՊՆ-ն հերքում է, Լեհաստանը հայտարարում է զոհերի մասին՝ հրապարակելով հրթիռակոծության տեսանյութ
593
Չորեքշաբթի, 16 նոյեմբերի, 2022 թ., 00:48

Սոցցանցերում տեսանյութ է հրապարակվել Լեհաստանի Պրզևոդուվ գյուղի մոտ հրթիռի հարվածի վայրից։ Հրթիռն ընկել են հացահատիկի չորանոցի վրա, վնասել տրակտորը, Լեհաստանի արտակարգ ծառայությունները հայտնել են երկու մարդու մահվան մասին։
Կադրերում, որոնք արվել են արդեն գիշերը, երևում է, որ տրակտորը շրջված է կողքի վրա, փոսի մոտ։ Ուկրաինայի նախագահ Զելենսկին տեղի ունեցածը որակել է որպես «Ռուսաստանի հարված ՆԱՏՕ-ին»։

ՌԴ պաշտպանության նախարարությունը հերքել է նմանաբովանդակ բոլոր մեղադրանքները՝ ասելով, որ սադրանք է տեղի ունենում, և որ ուկրաինա-լեհական սահմանի մոտ Ռուսաստանի կողմից հարվածներ չեն հասցվել։ Ռազմական փորձագետները, հիմնվելով հրթիռի բեկորի լուսանկարի վրա, պնդում են, որ այն կարող է պատկանել «Բուկ» հակաօդային պաշտպանության համակարգին կամ С-300-ին, այսինքն, արկն արձակվել է Ուկրաինայի հակաօդային պաշտպանության կողմից, որն այսօր անհաջող փորձել է հետ մղել Ռուսաստանի զանգվածային հարձակումները Ուկրաինայի էներգետիկ ենթակառուցվածքների վրա, ենթադրում են ռուսական լրատվամիջոցները:

Թեև դեռ Լեհաստանի իշխանությունները հրթիռի վերաբերյալ պաշտոնական հայտարարություններ չեն արել, Փենթագոնն ու ԱՄՆ Պետդեպարտամենտը հայտարարություններ են տարածել։ Ամերիկացի ներկայացուցիչների խոսքով՝ հավաստի փաստեր դեռ չկան, ուստի թեմայի շուրջ շահարկումներ անելու կարիք չկա։ Նաև Պետդեպարտամենտի խոսնակը լրագրողներին ասել է, որ ԱՄՆ-ը չի ձգտում սրել իրավիճակը։