«Պուտինը պետք է «դիմավորվի»»․ Դանիել Իոաննիսյան

ԻՔՄ ծրագրերի համակարգող Դանիել Իոաննիսյանը գրում է. «Պուտինը պետք է «դիմավորվի»
Քանի որ շատերն են գրում, ասեմ, որ հույս ունեմ, որ նոյեմբերի 23-ին Երևանում հանրահավաք կամ այլ զանգվածային ակցիա կլինի: Այդ օրը Երևանում ՀԱՊԿ գագաթնաժողովն է լինելու:
Այսինքն, Հայաստան են գալիս այն երկրների ղեկավարները, որոնք Հայաստանի տարածքային ամբողջականությունը պաշտպանելու ստորագրված պարտավորություն ունեն:
Այդ երկրներից մասնավորապես Ռուսաստանին մենք ինչ ասես, որ չենք փոխանցել այդ անվտանգության երաշխիքների համար:
Բայց այդ երկրները ու ղեկավարները (Պուտին, Լուկաշենկո և այլն) այս տարվա սեպտեմբերին Հայաստանի խնդրանքի դիմաց ոչ միայն որևէ օգնություն չտվեցին մեզ, այլև քաղաքական առումով ամեն կերպ աջակցեցին մեզ վրա հարձակված Ադրբեջանին:
Մեզ քցած, դավաճանած այդ անձանց Երևանում բողոքի ցույցերով դիմավորելը, կարծում եմ, առնվազն արժանապատվության հարց է: Կարելի է դիմավորել օդակայանի ճանապարհին պիկետներով, կարելի է դա անել Ազատության հրապարակում հանրահավաքով կամ խաղաղ հավաքի որևէ այլ եղանակով: Բայց դա պետք է արվի:
Եվ ինձ մեկ է, թե ով է կազմակերպելու այդ ցույցերը: Ով էլ կազմակերպի՝ մասնակցելու եմ և հորդորելու եմ բոլորին միանալ»: